جمعية " نــوبــة الــخــــــيـر "

جـمـعـيـة نـــوبــــــة الـخــــيـر

مشهرة برقم 3490 لسنة 2009

اجتماعية .. خيرية .. ثقافية

من نحن:-

إحنا مجموعة شباب اجتمعنا علي معني الخير ..
و من مبدأ الأقربون أولي بالمعروف ..
و لإن نوبتنا الحبيبة أرض الخير ..
حبينا نقدم لها كل الخير

يمكن تكون الأرض غرقت ..
لكن اتحفر في قلوبنا حنين فطري لـ ..
نوبة الخير

يمكن من حفاظنا علي ترابطنا .. علي تواصلنا
.. و علي عاداتنا و تقاليدنا

أو يمكن عشان في قاموس حياتنا ..
كلمة نوبة = الخير

أهدافنا:-

- رؤيتنا هي أن تصبح نوبة الخير مؤسسة تنموية تخدم كل محتاج ، و تحقق الأهداف التالية:

* نشر فكر العمل التطوعي بين الشباب
* إعداد كوادر شبابية في الجمعيات النوبية
* تأهيل الشباب لسوق العمل
* مساعدة المحتاجين
* الحفاظ علي التراث و الهوية النوبية

{ كل دة في إطار ديننا }

جانب من إنجازاتنا:-

كفالة أسر للأيتام بالقاهرة و أسوان

إقامة حفلات للأيتام (يوم اليتيم - عيد الفطر 2009+2010) + مهرجان يوم الطفل النوبي (أبريل 2010)

زيارات لبعض دور الأيتام

زيارات لمرضي بعض المستشفيات

تجهيز و توزيع شنط رمضان (212 شنطة بالقاهرة و أسوان و محافظات أخري 2009) + (550 شنطة 2010)

توزيع شنط المدارس (أكثر من 20 شنطة شاملة الأدوات المدرسية 2009) + (شنط و مستلزمات مدرسية 2010)

تجميع و تجهيز و توزيع ملابس العيد لمعسكر الجزام بالقاهرة (عيد الفطر 2009+2010) ، و لبعض الأسر بأسوان (عيد الأضحي 2009)

إقامة حلقات ثقافية للشباب

إقامة عدة دورات تأهيلية للشباب

محجـــــــــــــوز

محجــــــــــــــوز

محجــــــــــــــوز

محجــــــــــــــوز

محجــــــــــــــوز

نور عينيك .. نعمة من ربنا ليك

تشوف الدنيا أشكال و ألوان حواليك

تقرا .. تكتب .. تتعلم .. تحقق كل أمانيك

لكن ...

فيه ناس اتحرموا من نور العيون

و اتكتب عليهم يعيشوا في ظلام مسكون

يصعب عليهم كل شيء .. القراية و الكتابة و كل الشئون

العلم بالنسبة لهم حلم بعيد .. و هو أبسط حقوقهم

و من حقوقهم علينا ... زكاة علمنا و صحتنا ليهم

ناخد بإيدهم .. نساعدهم يشقوا بداية طريقهم

طريقهم لتحقيق أحلامهم و طموحاتهم و آمالهم

-------------

إزاي ؟! ...... : ـ

هننقل الكتب علي الكمبيوتر (ع الـ
word)

و بعدين هتطبع بطريقة برايل

** و كل ما زاد عدد المتطوعين .. هيزيد عدد الكتب ، و عدد التخصصات اللي هنغطيها

كل المطلوب منك شوية وقت .. تكتب فيهم ع الـ

word

الكتب اللي هنبعتهالك

scanned

((و أنت قاعد في مكانك))

للاشتراك و الاستفسار: ـ

0166755371
0163143828
E-mail; [ندعوك للتسجيل في المنتدى أو التعريف بنفسك لمعاينة هذا الرابط]

بتدوري علي اكسسوارات أشكالها جديد في جديد ؟؟!!

بتروحي هنا و هناك و تلاقي السعر شديد ؟؟!!

بتحلمي يكون لك مشروع خاص ، و شايفة الحلم بعيد ؟؟!!
...

الفرصة جاتلك لحد عندك عشان .... : -

تعملي اللي نفسك فيه بسعر علي قد الإيد

تقضي وقت فراغك في شيء مفيد

؛ يحقق لك ذاتك و يخلّي الدخل يزيد

و انتي قاعدة في بيتك من غير ما تروحي بعيد

ـ ** معانا في ورشة عمل الاكسسوارات ... : -

هتتعلمي إزاي تشكلي الخرز بإيديكِ زي ما انتِ عايزة .. و بالألوان اللي تحبيها

خواتم .. عقد .. جراب موبايل .. أساور .. محافظ ....... و أي حاجة تخطر علي بالك

مــــجــــــــانــاً

منتظرينك يوم السبت القادم 11/12 بعد صلاة الظهر

في جمعية الديوان .. شارع الشيخ ريحان - عابدين

و ماتنسيش جيبي معاكي .. كشكولك (مربعات 1/2 سم) .. خرزك (خرز حجر) .. قلم و إبرة و خيط

و لو عندك أي استفسار .. كلمينا : -

0106494571

محجـــــــــــوز

محجـــــــــــــوز

بنات اتولدوا لقوا نفسهم مختلفين عن غيرهم
في شكلهم .. هيئتهم .. مستوي استيعابهم و تفكيرهم
حاسين بالغربة و هما في وسط أهاليهم و مجتمعهم

...مع بعض هنروح نرسم بسمة علي وجوههم
ننمّي تواصلهم مع الآخرين و نحسسهم بوجودهم
نطوّر قدراتهم الإدراكية و المعرفية و مهاراتهم

تعالي معانا ....ـ

افرح من قلبك بضحكة بريئة علي وجوههم
خلّي قلبك يرق و تعيش إحساس إنك طاير
احمد ربك علي نعمة الصحة و العافية
اجني خبرة في كيفية التعامل مع فئتهم
اتعلم الصبر علي الطاعة من العاملين بالدار

و افتكر كلام حبيبك محمد (صلي الله عليه وسلم): ـ

"إن أحب الأعمال إلى الله تعالى بعد الفرائض إدخال السرور على المسلم"
، "إن من موجبات المغفرة إدخال السرور على أخيك المسلم"
، "من لقي أخاه المسلم بما يحب الله ليسره بذلك سره الله عز وجل يوم القيامة"

مستنيينكم يا شباب الخير .. يا نبع الخير Smile

يوم السبت 18/12 في دار لرعاية الفتيات ذوي الاحتياجات الخاصة

هنتجمع الساعة 8.30 ص في محطة مترو الزهراء

و اللي عايز يساهم بأي حاجة أو بتمن أي حاجة من احتياجات اليوم .. يكلمنا و مايستقلش
و اللي عايزة تساهم بطبق حلويات (بيتي) .. تساهم و ماتترددش

لأي استفسار ، و للتبرع لليوم .. كلمونا علي: ـ

0120877678
جمعية " نــوبــة الــخــــــيـر " 2z70sbb

جمعية " نــوبــة الــخــــــيـر " 2z70sbb

حالة صعبة جداً و محتاجة مساعدتكم (العنوان) ـ
--------------------------------------------------
سيدة لأسرة فقيرة .. مريضة بـ ورم في الكبد

و ظروف الأسرة لا تسمح بالإنفاق علي علاجها

و المطلوب مننا .. نتبرع لها بمصروفات العلاج + مساندة الأسرة مادياً لتغطية احتياجاتهم الأساسية

و ....ـ

"مَثَلُ الَّذِينَ يُنفِقُونَ أَمْوَالَهُمْ فِي سَبِيلِ اللّهِ كَمَثَلِ حَبَّةٍ أَنبَتَتْ سَبْعَ سَنَابِلَ فِي كُلِّ سُنبُلَةٍ مِّئَةُ حَبَّةٍ وَ اللّهُ يُضَاعِفُ لِمَن يَشَاءُ وَ اللّهُ وَاسِعٌ عَلِيمٌ "

للتبرع .. كلمونا علي : ـ

0166755371

ورشة صناعات الجلد اليدوية "للبنات" .. (العنوان) ـ
-----------------------------------------------------

ورشتنا الجديدة للأعمال اليدوية المرة دي هي ....

ورشـــــــ الجلد ـــــــة

و اللي بيها ......ـ

هتعملي اللي نفسك فيه بسعر علي قد الإيد

هتقضي وقت فراغك في شيء مفيد

؛ يحقق لك ذاتك و يخلّي الدخل يزيد

و انتي قاعدة في بيتك من غير ما تروحي بعيد

ـ ** معانا في ورشة عمل المصنوعات الجلدية ... : ـ

هتتعلمي إزاي تشكلي الجلد بإيديكِ زي ما انتِ عايزة .. و بالألوان اللي تحبيها Smile

ـ

مــــجــــــــانــاً

ميعادنا يوم الأحد القادم 26/12 بعد صلاة الظهر

(الساعة 1 بالظبط) ـ

في جمعية أبو حنضل

و لو عندك أي استفسار .. كلمينا علي : ـ

0166755371

تقرير زيارة دار الفتيات ذوي الاحتياجات الخاصة
------------------------------------------------
في صباح يوم السبت (18/12) .. اتجمعنا مع بعض - شباب و بنات نوبة الخير - (في مكان التجمع المتفق عليه) ـ

و اتجهنا - مباشرةً - ناحية الدار و كلنا شوق و حماس

و هناك قضينا وقت من أغلي و أروع و أحلي الأوقات ... في صحبة أطفال من الجنة

تعارف .. و لعب .. و جري .. و تنطيط

ضحك .. و حب .. و شقاوة .. و شخابيط

و بفضل الله حققنا هدفنا و فرّحناهم ... و فرحنا معاهم

فرحة الأطفال بينا كانت كبيرة أوي ؛ لدرجة إنهم كانوا عايزينا ناخدهم معانا و إحنا ماشيين

و فرحة إدارة الدار ماكانتش أقل من فرحة الأطفال .. و اجمعوا علي إن : ـ

زيارتنا و مجموعتنا و حفلتنا (( أفضل زيارة و مجموعة و حفلة حصلت في الدار )) ـ

و طلبوا مننا نكرر الزيارة تاني ، و كمان حددوا الميعاد (بالاتفاق مع نوبة الخير) .. "يوم السبت 1/1/2011" ـ

و كانت لحظة وداعهم صعبة كتير .. و لكن علي أمل اللقاء القريب

^^^^^^^^^^^^^

بس قبل ما نسيب الدار حصلت مفاجأة ماخطرتش علي بال حد !!!!!!!!! ـ

يا تري إيه اللي حصل ؟؟؟!!! ـ

ــــــــــــــــــــــــــــــــــــــــــــــــــــــــــــــــــــــــــــــــــــــ

المفاجأة الكبري : ـ (قصة حقيقية كتبها القَدَر) ـ

---------------------------------------------------------

أثناء التعارف ما بين شباب و بنات نوبة الخير و الأطفال في بداية الزيارة

بنت من البنات لفتت انتباه بكر (عضو نوبة الخير) ـ

حَس إنه يعرفها أو علي الأقل شافها قبل كدة

و أثناء فقرات الحفلة .. لاحظ سلوكياتها - حركاتها .. و اتأكد إنه يعرفها و .......ـ

و افتكر بكر الطفلة (بنت منطقته) اللي خرجت من بيتها من 4 سنين و مارجعتش تاني

الطفلة اللي أهلها قعدوا يدّوروا عليها في كل مكان .. الأقسام .. المستشفيات .. المشرحة ........ بدون فايدة

-<< "معقولة تكون الطفلة دي هي نفسها البنت اللي كانوا بيدوروا عليها ؟؟؟!!! " >>- ـ

مع اقتراب نهاية اليوم .. بكر نقل شكوكه للإدارة .. و اللي اكّدت جزء كبير من القصة .. و اكّدت شكوك بكر

و فوراً .. اتصل بكر بأهلها و بشرهم بفرجهم

و بالتنسيق مع إدارة الدار .. اتفقنا علي إحضار الأهل لاستلام بنتهم

و تاني يوم (يوم الأحد) .. تم اصطحاب الأم إلي الدار

و بمجرد رؤية بنتها .....ـ

قفزت الأم محتضنة بنتها .. بشوق السنين .. و دموع الفرحة

و بعد تقديم الأوراق اللي تثبت بنوتها .....ـ

*^*^*^*^ عادت الابنة لأحضان أهلها بعد غياب 4 سنوات ^*^*^*^*

[ندعوك للتسجيل في المنتدى أو التعريف بنفسك لمعاينة هذا الرابط]

و سبحان الله الّذي أمره بين الكاف و النون

صور التقرير

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

[img]

جمعية " نــوبــة الــخــــــيـر " 510475629

[/img]

[img][ندعوك للتسجيل في المنتدى أو التعريف بنفسك لمعاينة هذا الرابط][/img][img][ندعوك للتسجيل في المنتدى أو التعريف بنفسك لمعاينة هذا الرابط][/img]
[img][ندعوك للتسجيل في المنتدى أو التعريف بنفسك لمعاينة هذا الرابط][/img]

[img][ندعوك للتسجيل في المنتدى أو التعريف بنفسك لمعاينة هذا الرابط][/img][img][ندعوك للتسجيل في المنتدى أو التعريف بنفسك لمعاينة هذا الرابط][/img]

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

ارسم صورة بديعة بالألوان

أو ابيض و أسود أو تقليعة جنان

صمم لوجو .. كاريكاتير .. إعلان

امتلك الأدوات و اطلق لإبداعك العَنان

احصل علي وظيفة يحلم بيها أي إنسان

انضم لدورتنا للـ
Photoshop

يوم الجمعة 14/1/2011

المجموعة الأولي .. من 3 : 5

المجموعة الثانية .. من 6 : 8

تكلفة الكورس 50ج .. (و خصم 50% لأعضاء نوبة الخير)

للاشتراك ...ـ

ابعتلنا بياناتك : ـ

*الاسم
*رقم التليفون
* المؤهل
*العمل
*السن
*سبب تعلمك للفوتوشوب
*لديك "لاب توب" أم لا

علي إيميلاتنا : ـ

[ندعوك للتسجيل في المنتدى أو التعريف بنفسك لمعاينة هذا الرابط]

جمعية " نــوبــة الــخــــــيـر " Fefp1k

جمعية " نــوبــة الــخــــــيـر " Fefp1k

عاااااااااااااااااجل
----------------
أربع توائم حديثي الولادة .. ثلاثة منهم مازالوا في الحضّانة

و حالة أسرتهم ماتسمحش بسداد تكاليف الحضّانة العالية

ساهموا معانا في تغطية تكاليف بقائهم في الحضانة في أسرع وقت
......
الحالة مستعجلة جداً

و ...ـ

ـ " و من احياها فكأنما احيا الناس جميعاً " ـ

للمساهمة .. كلمونا علي: ـ

0166755371

و جزاكم الله خير الجزاء ، و جعلكم سبباً في سعادة المسلمين

انطلاقة مشروع الورش 3×1
-----------------------------
أرباح و مكاسب دنيا و آخرة

كفالة أيتام * زيادة دخلك * كفالة أسر فقيرة

...

مشــروعــنـــأ

هيوفر دخل شهري للأسر الفقيرة و الأيتام

هيزيد دخل البنات و يحقق لهم الأحلام

و نقطة البداية هتكون : ـ

ورشة النحاس .. مشغولات نوبية من النحاس

قمر بوبا / زمام .. بيّة .. خناقة ....ـ

يوم الإثنين 17/1/2011 .. الســـــ 6 ـــــــــاعة

هتشارك معانا في المشروع؟

هتشترك في ورشة من الورش اليدوية؟

عايز تشارك في تنظيم الورش؟

عندك أي استفسار محتاج توضيح؟

كلمنا أواااااااااام و ماتترددش ....ـ

علي أرقامنا : ـ

0166755371

0128553978

و لســـــــــــــــــــــة Smile

)

انتظروا باقي الورش قريبـــــــــــــــــاً

انتظــرونـا فى الصـالون الثقـافي للبنـات
[center]

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

انطلاقة مشروع الورش 3×1
----------------------------

أرباح و مكاسب دنيا و آخرة

كفالة أيتام * زيادة دخلك * كفالة أسر فقيرة

...

مشــروعــنـــأ

هيوفر دخل شهري للأسر الفقيرة و الأيتام

هيزيد دخل البنات و يحقق لهم الأحلام

نقطة البداية هتكون

3 ورش في وقت واحد

*** ورشة النحاس : ـ

يوم السبت .. من الساعة 2 لـ الساعة 4
بجمعية "توماس"

*** ورشة الخزف : ـ

المجموعة الأولي .. يوم السبت من الساعة 6.30 لـ الساعة 8.30
المجموعة الثانية .. يوم الخميس من الساعة 6.30 لـ الساعة 8.30
بجمعية "توماس"

*** ورشة الخرز : ـ

المجموعة الأولي .. يوم السبت من الساعة 4 لـ الساعة 6
المجموعة الثانية .. يوم السبت من الساعة 6 لـ الساعة 8
بجمعية "كلابشة"

هتشارك معانا في المشروع؟

هتشترك في ورشة من الورش اليدوية؟

عايز تشارك في تنظيم الورش؟

عندك أي استفسار محتاج توضيح؟

كلمنا أواااااااااام و ماتترددش ....ـ

علي أرقامنا : ـ

0166755371

0128553978

و لســـــــــــــــــــــة Smile

)

انتظروا باقي الورش قريبـــــــــــــــــاً

زيارة لـ فتيات ذوي احتياجات خاصة 2
-------------------------------------------

كلاكيت تـــــــــــــــــــاني مرة
زي ماقلنا و قالوا جوة و برة
روحنا فرحناهم و فرحنا معاهم أول مرة
و كنا سبب في رجوع طفلين لأهلهم و ملينا قلوبهم مَسَرَّة
لازم نكون من تاني معاهم كمان 100 مرة

هنروح من تاني نرسم علي وجوههم بسمة جديدة
و نخلّي الدنيا مش سايعاهم في عيونهم سعيدة
و وعد نبينا بسعادتنا دنيا و آخرة حاجة واضحة و أكيدة

يوم سعادتنا .. يوم الثلاثاء 25/1

هنتجمع الساعة 9.30 .. أمام محطة مترو "الزهراء"

و لكل اللي عايز يساهم مادياً في الزيارة .. يساهم يوم الزيارة

و لكل اللي عايز يستفسر عن أي حاجة .. يكلمنا علي : ـ

0120877678

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

الصالون الثقافي للبنات
----------------------- -

بشري لكل البناااااااااات .. ألطف الكائنات Smile

جه الوقت اللي بنستناه بعدد دقات الساعات

قرّب يومنا اللي بنقضي فيه أحلي الأوقات

تعارف ، سَمَر .. حوارات و حكاوي بنات

ضحك و فرفشة .. لعب و تسالي و حركات

و نغوص في بحر شخصية ولا كل الشخصيات

و هتكون –المرة دي- "جميلة بوحريد" ؛ رمز المجاهدات

و زي كل مرة هنحضّر كلنا للشخصية و نجمّع معلومات

و المرة دي فيه مسابقة عن الشخصية و جوايز للفايزات

كل دة هيكون في لقائنا اللي منتظرينه بقالنا شهر ....ـ

"الصالون الثقافي للبنات"

يوم الجمعة 28/1 .. الساعة 4

بـ جمعية "كلابشة"
(17 ش إسماعيل أباظة – لاظوغلي .. محطة مترو "سعد زغلول")

هنستناكم كلكم يا بناااااااااااات

و لو فيه أي استفسار .. كلمونا علي :ـ

0111885510

[img][url=http://www.0zz0.com] جمعية " نــوبــة الــخــــــيـر " 613333

ورشة أطفال
-------------

ابنك و بنتك أمانة ما بين إيديك

أخوك و أختك ليهم واجب عليك

و بإيدك تخليهم فرحة لقلبك و عينيك

تطوّرهم و تطوّر بيهم وطنك و وطن والديك

مع ورشتنا للأطفال .. طفلك هيطوّر

هيكتسب مهارات و أخلاقيات كتيييير .. بشكل مباشر و غير مباشر

بما يتناسب مع سنه ... من خلال : ـ

الرسم – المشغولات الورقية – ألعاب تنمية الذكاء - ..............

و مش بس كدة ..

دة كمان مجموعة من المتخصصين هيتابعوا ذكاء ابنك/بنتك/أخوك/أختك
الاجتماعي لمدة أسبوعين

و في نهاية الورشة ؛ هيدِلّوك ع الطريقة المثلي للتعامل معاه

*** الورشة من تنظيم عدة جهات تربوية

سن الأطفال المطلوبين .. من 5 لـ 11 سنة

بداية الورشة .. يوم السبت 5/2

ابدأ تطوير ابنك/بنتك/أخوك/أختك .. و احجز مكانه في الورشة

(الورشة مجانية)

للحجز و الاستعلام .. كلمونا علي: ـ

0103486527

[img][ندعوك للتسجيل في المنتدى أو التعريف بنفسك لمعاينة هذا الرابط][/img]

سبق فى تاريخ الجمعيات الخيريه وأول دورة تثقيف سياسى

... دوله رئاسية
... دوله برلمانيه
... تعديل دستور
... ورقابه قضائية
... فلول النظام
...... وحكومه إئلافيه
... إنقلاب عسكرى
... أم ثورة شعبيه
... أجندات وأحزاب
... وأيدلوجيه دينية
وكلام غيره كتير
إتقال الفتره ديه

فى منا اللى شارك
وفى اللى للسياسه تارك
وكتير رقبوا اللى بيحصل
وإلتزموا الحياديه

... مش ده المهم
المهم ازاى
أشارك فى الفتره الجايه
بس تكون مشاركتى إيجابيه
وده مش هيتم
...........إلا
لما أعرف دورى الفتره الجايه
وأزاى أوصل رئيى للجهات المعنيه
... ولما يتم الإستفتاء
أبقى فاهم
أيه التعديل اللى تم فى الماده ديه

قدامى حاجات كتير
ومصطلحات اكتر
محتاج أفك شفرتها
واسمع الكل بحياديه
... علشان لما أفكر وأقرر
إختياراتى تبقى بمسئوليه

إنتظرووووووووووووا نوبه الخير وسبق فى تاريخ الجمعيات الخيريه وأول دورة تثقيف سياسى

نوبه الخير ستقيم ندوة إفتتاحيه ومناقشة مفتوحه مع الأستاذ / طلعت السادات بجمعية كلابشه يوم الثلاثاء 1/3/2011 الساعة 6م

دستور يا اسيادنا دستور

يا تري تعديل للدستور؟
ولا الغاء الدستور؟

...لجنة تعديل دستور
و استفتاء ع الدستور

يعني إيه أصلاً دستور؟
و ليه مهم كدة الدستور؟

و علاقة القوانين بالدستور؟

كل دة هنعرفه و نناقشه مع مفاجأة نوبة الخير

د/ عــمــرو حــمــزاوي

كبير الباحثين بمؤسسة كارنيجي للسلام الدولي

أحد أبرز و أهم المفكرين العرب

شخصية مصرية متميزة في العلوم السياسية .. سبق له التدريس بجامعة القاهرة وجامعة برلين

المتميز برؤيته العميقة لقضايا الشرق الأوسط وقضايا الإصلاح بالمنطقة العربية

الّذي رفض منصب وزير الشباب فى حكومة أحمد شفيق لتصريف الأعمال

منتظريينكم نكمل نقاشنا الراقي المتحضر
اللي بدأناه في اللقاء السابق

يوم الثلاثاء 15/3 الساعة 6

بـ جمعية المضيق

89 أ شارع الشيخ ريحان (محطة مترو محمد نجيب) ـ

للاستفسار : ـ

0190407914
0166755371
0103486527

ندوة "إدارة التنوع و الاختلاف"

اسمك إيه؟
لونك إيه؟
ديانتك إيه؟
ملامح وشك؟
اتجاهاتك و فكرك؟
محافظتك مدينتك؟

كا دة مايهمناش ....
يهمنا إن أنت مصري

باسمك و لونك و ملامحك .. بديانتك و فكرك و اتجاهاتك
بحرفتك و صنعتك و علمك .. بنظرتك و صوتك و عاداتك
مـــــصـــــــــــــــــري

باختلافنا و تنوعنا .. كلنا مـــــصـــــــــــــــــري

و الاختلاف و التنوع دة قوة كبيرة .. بس إزاي؟

دة اللي هنعرفه من أ/ محمد شرف
مدرب التنمية البشرية

و هنناقشه كلنا مع بعض
(كل الحضور مع أعضاء نوبة الخير)

يوم الثلاثاء 22/3 .. الساعة 5.30

بجمعية أمبركاب
(ـ 58 ش الحرية .. أرض عزيز عزت .. أمبابة)

هنستناكم Smile

قال الحبيب محمد (صلى الله عليه و سلم): "الجنة تحت أقدام الأمهات"

قال (ابراهام): "إن أعظم كتاب قرأته هو أمى"

...وقال (شكسبير): "ليس في العالم وسادة أنعم من حضن الأم"

وقال ( أندريه غريترى): "من روائع خلق الله قلب الأم"

و تقول (نوبة الخير): " أمي ليست هي فقط أمي التي حملتني في بطنها و انجبتني و رعتني صغيراً و كبيراً .. و لكن أمي هي كل أم فعلت كل ذلك و لم تجد من يرد لها الجميل .. أمي هي كل أم تحتاج إلي ابنٍ بار .. و أبي هو كل أب يحتاج إلي ابنٍ بار"

** كلنا مع بعض هنروح نبّر أمهاتنا و ندخل في قلوبهم الفرحة **

تعالوا معانا نحتفل بعيد الأم كلنا و نغنيلهم و نقولهم: ـ
"بنحبكم يا أغلى حاجة فى الكون"

يلا كلنا نروح و نشارك و نقول كلنا بصوت واحد: ـ
"كل سنة و أنتِ طيبة يا أمى"

يوم الجمعة 25\3

هنتجمع الساعة 2.30 أمام كشري "أبو مدّاح" .. بأمبابة

تعالوا و شاركونا الفرحة .. و فوزوا بفرحتين .. دنيا و آخرة Smile

هنستناكم

للتبرع (لشراء هدايا للمسنين) و الاستفسار :
ـ
0128553978 - 0166755371

جمعية " نــوبــة الــخــــــيـر " Xeofu8

" دورة التثقيف السياسي .. " بالعدسة و القلم

ـ " المجالس النيابية و التشريعية بمصر "

مع مدرب التنمية البشرية و المدون بجروب فكرة

أ/ أحمد وجيه

و .....ـ

" ثورة في صورة "

مع المصور المحترف

أ/ محمد سامي

يوم الثلاثاء 29/3 الساعة 6 مساءاً

بنادي النوبة العام
(ميدان التحرير - أعلي هارديز)

و الدعوة عامة

دورة "مهارات العرض و التقديم"

ـ * ميعاد تقديم مشروع التخرج قرّب و مش عارف هأعرضه إزاي ؟!

ـ * و أنا نفسي أكون مدرب محترف و مش عارف أبدأ طريقي منين ؟!

ـ * و أنا نفسي أقدم عرض مميز عن جمعيتي / فريقي / شركتي قدام جهات مهمة .. تكون انطلاقة جديدة لمنظمتي !!!
...
ـ * و أنا عايز أأدي زكاة علمي ، و أقدم العلم اللي عندي للناس .. بس مش عندي الجرأة و المهارة !!!

ـ * و أنا عندي فكرة جامدة عايز أعرضها علي الجهة المختصة و مش عارف أعرضها صح إزاي ؟!

ـ * و أنا نفسي أفوز بوظيفة مناسبة و مش عارف أعرض مؤهلاتي و إمكانياتي الحقيقية !!!

لو كنت واحد منهم

ابدأ طريقك لتحقيق طموحك

مع أ/ أحمد وجيه .. مدرب التنمية البشرية

و ...ـ

دورة "مهارات العرض و التقديم " ـ

مدة الدورة .. 5 أيام (علي أسبوعين)

تبدأ يوم الخميس 7/4 .. الساعة 6 م

بـ نادي النوبة العام
(ميدان التحرير - أعلي مطعم هارديز)

الكورس مجـــــــــــــــــاني

و العدد محدود

للحجز و الاستعلام .. كلمونا علي : ـ

0103486527 - 0140714884 - 0107252615

أو علي إيميل : ـ

[ندعوك للتسجيل في المنتدى أو التعريف بنفسك لمعاينة هذا الرابط]

فتحت عيني ع الدنيا ملقتش غير أطفال زيي

و كلنا مالناش لا أب ولا أم .. لا أهل ولا قرايب

عايشين و مش عايشين .. محرومين و محتاجين
...
محتاجين حد يعوضنا عن حرمانا و يداوي جروحنا

حد يسعدنا و يحسسنا بوجودنا .. يملا قلوبنا فرحة

ناس أحس معاهم إني وسط أهلي .. و لو لساعات قليلة

*********

حاسس بيهم بجد ؟!

نفسك تسعدهم وتعوضهم عن حرمانهم ؟!

نفسك تكون واحد من أهله .. لساعات قليلة ؟!

بتحلم تفوز بجوار حبيبك محمد (صلي الله عليه و سلم) ؟!

تعالي معانا يوم الجمعة 8/4

الساعة 11 ص

التجمع: أمام دار الهنا

2 شارع مساكن عين الصيرة - طريق صلاح سالم
بجوار حديقة الفسطاط و كايرو لاند
(ميكروباص السيدة عائشة من ميدان الجيزة)

للتبرع (لشراء هدايا و حلويات) و الاستفسار: ـ

0166755371 - 0120877678

جمعية " نــوبــة الــخــــــيـر " 28ipb86

جمعية " نــوبــة الــخــــــيـر " 28ipb86

خِتامُها مِسك .. مع د/ عمرو الشوبكي

ـ * 30 سنة ديكتاتورية و ظلم و فساد و استبداد

تفرّد بالسلطة و السياسة

...***

فجّرنا الثورة و حققنا معظم أهدافها (بإذن الله)

قضينا علي النظام بأكمله .. و البقية ستأتي

داخلين علي مرحلة جديدة في تاريخ مصر .. متفائلين و حذرين

بنحلم بالديمقراطية .. حرية سياسية .. حرية دينية .. حرية اقتصادية

***

يا تري ممكن نوصل لحلمنا إزاي؟

و إيه العقبات اللي ممكن تقابلنا ؟

و إزاي هنتغلب عليها ؟

كل دة هنعرفه و نناقشه مع ...ـ

الباحث و المفكر المعروف

د/ عمرو الشوبكي

( مدير وحدة الدراسات العربية - الأوروبية بمركز الأهرام للدراسات السياسية و الاستراتيجية

رئيس منتدى البدائل العربي للدراسات ) ـ

و اللقاء الختامي لدورة التثقيف السياسي

بعنوان :

" التحوّل الديمقراطي "

يوم الثلاثاء 19/4 .. الساعة 6 م

بمركز محمود مختار .. داخل متحف محمود مختار

أرض الجزيرة (بجوار دار الأوبرا) - الزمالك

و الدعوة عــــــــــــــــــــامة

للاستفسار : ـ

0103486527 - 0128553978 - 0166755371

جمعية " نــوبــة الــخــــــيـر " 242gy1u

جمعية " نــوبــة الــخــــــيـر " 242gy1u